时下满街绵羊，由小羊到大羊，都各有捧场客，由于日本及中国台湾省都流行改装自我个性的绵羊，而且改装程度已达到化境，真系改到变哂型。而香港亦有整过容的绵羊，而且是港产的，唔系只有日本先识整容架，香港绵羊整容都有一手。其实绵羊整容术香港早就有，但不外乎改颜色花纹，或避震、死气喉等，但改得更过份的羊会较为少见，今次为大家报导呢架绵羊系由majesty 250将车头改成r1的款，而且更请得车主jerry更讲解一下改装过程。
 |
| adam：点解最初会构思由一架majesty 250变到r1的车头？ jerry：第一，我觉得架车性能都ok，但系个款太旧了，希望改到特别d，要人无我有。于是我同朋友阿joe开 始构思，又问过开车行的朋友俊文、阿钟哥的意见，都话无问题，这样就畀d时间大家研究下，改架特别d的车 出来。 adam：由构思到完成大概用了几耐时间？ jerry：差不多一年了。 adam：遇上的最大问题系乜野呢？ jerry：系个灯位度，因为r1个灯系阔d，要cut少少，同埋要改个猪头啦，安装上去又要改位，再加埋要改灯 位啊，车头灯影亦要调较好高低。 adam：在改装的一年之间，有无想过放弃呢？ jerry：无啊，因为摆这么多心机、时间及金钱落去，不过都系其次咯，大家都捉住个宗旨，就系改到架车特 别d，因为要将一架旧款车改成一架特别版本的车出来要d效果好睇，而俊文、钟哥已经改过好多特别的车，他 给我的信心亦都系好重要。 adam：买回来的时候系新车定旧车？ jerry：系二手车买回来的，价钱系25,000蚊左右，加埋其他改装都系约8千蚊啦。 |
 |
 |
| adam：有无想过唔玩绵羊，改 fairing车呢？ jerry：我以前玩开爬山车，已是好多年前，以前都系 yamaha多，都系钟情呢个品牌关系。后期玩fairing 车，试过炒车，之后又停了牌，无玩几年。 番车都系近三、四年的事。 adam：因什么事而炒车的大镬呢？ jerry：同d朋友出去游车河，玩玩下就斗车罗，点知就出事咯，所以我而家奉劝d朋友唔好这么快呀，安全第 一。其实而家香港玩车，第一玩外型、外表，个个都开始有安全意识了，况且而家个市场都系玩外形为主，性 能都系其次。而个车款我尽量造到人无我有，独特的一面，摆出来特别d。好似我呢一架车，我想全世界都只 得一架喇。 adam：我刚听个朋友讲话有架唔知乜野车改成隼这样的？ jerry：好似系125，是中国台湾省改的。改装方面应该系日本行先，早在两年前已经改装完成，香港刚刚仿照日本来做，头先讲改装的隼，暂时只得一架。我谂香港应该有自己的改装风格及特色，畀外国睇下我们香港有唔同的一面，唔好总系抄人。我睇到日本书有d车改到唔知似乜野啊，希望本地d车行技师，能够创出自我风格，另 类d，要超越日本。 | |
 |
 |
| adam：香港就难d，反而中国台湾省有机会。 jerry：都系因为资源咯，香港本身资源有限，好似做个模啊，或者各样技术性问题，而我最好在有个朋友本 身有间车行，可以收了工得闲先整，所以改装的时间比较长，亦都落了好多心机响度。 adam：而家除了绵羊之外，你仲钟意乜野车啊？ jerry：都系玩绵羊，安全d嘛。 adam：有无玩过d绵羊比赛？ jerry：无啊。因为年纪问题，而家唔去追求速度，在乎安全性，玩乐，享受为主。 adam：将会继续点样改架车？ jerry：而家架车个头改了啦，将会都系注重个车尾，将会改完出来的效果系圆灯。 adam：有无想过改led灯呢？ jerry：肯定会改，而且系要圆灯，出来的灯影系圆的，已经开始准备改了，好快效果会出来。 adam：架车还会加装些什么呢？ jerry：会加个定风尾翼，好似新款车的，因为原装果块就唔靓，睇点样改一块特别d，用人手去改，个样会特 别d，而且会细细地，唔会这么夸张。仲有睇下可唔可以造到包围，及是否可以low低架车，这样会更特别。还 有新设计的喷花，我自己唔想抄人，所以叫d朋友帮我设计一d特别花纹，我本身锺意蓝色，所以会以蓝色为主。 最后多谢jerry抽空将呢架特别混合版的绵羊给我们采访。 | |